ڈاکٹر خالد مبشر کے اعزاز میں مجلسِ شعرو ادب کا شاندار انعقاد

کشن گنج، 6 جنوری (پریس ریلیز): مجلسِ شعرو ادب کشن گنج کے زیرِ اہتمام ایک اعزازی شعری نشست کا انعقاد کیا گیا، جس میں جامعہ ملیہ اسلامیہ دہلی کے اسسٹنٹ پروفیسر ڈاکٹر خالد مبشر کے اعزاز میں شعر و سخن کی محفل سجائی گئی۔ یہ یادگار نشست رحمانی پبلک اسکول کشن گنج میں منعقد ہوئی، جس میں شہر اور اطراف کے نامور شعرا، اساتذہ، اور دانشوروں نے شرکت کی۔
نشست کی صدارت مولانا سہیل اختر ندوی (ڈائریکٹر رحمانی پبلک اسکول) نے فرمائی، جبکہ نظامت کے فرائض جناب جہانگیر نایاب نے نہایت عمدگی سے انجام دیے۔ تقریب کے مہمانِ خصوصی ڈاکٹر طیب فرقانی (کانکی)، مولانا شمیم ریاض ندوی (محرک مجلس علمائے ملت)، ماسٹر زاہد الرحمن پدم پور اور جناب محمد عارفین نور (ماہر تعلیم و اسکالر) رہے، جنہوں نے اپنے خیالات کا اظہار کرتے ہوئے اردو ادب کی اہمیت اور اس کے فروغ پر زور دیا۔

ڈاکٹر خالد مبشر نے اپنے تاثرات بیان کرتے ہوئے کہا: "اردو ادب ہماری تہذیبی شناخت کا ایک قیمتی سرمایہ ہے۔ شعری نشستیں ادب کے فروغ اور نئی نسل کو اردو سے جوڑنے کا ایک مؤثر ذریعہ ہیں۔ مجھے خوشی ہے کہ کشن گنج جیسے علاقے میں بھی اردو زبان کی محبت زندہ ہے۔"
مولانا نعیم الدین قاسمی نے اپنے خطاب میں کہا: "اردو زبان صرف ایک ذریعۂ اظہار نہیں، بلکہ ایک تہذیب ہے۔ ہمیں چاہیے کہ ہم نئی نسل کو اردو زبان و ادب سے روشناس کرانے کے لیے اس قسم کے پروگرامز کا انعقاد کرتے رہیں۔"
مفتی اطہر جاوید قاسمی نے نشست کی اہمیت کو اجاگر کرتے ہوئے کہا: "شعر و ادب کا تعلق دلوں کو جوڑنے اور معاشرتی اصلاح سے ہے۔ ایسی محافل صرف شعری ذوق کو بڑھاتی ہی نہیں بلکہ ہمیں اپنی تہذیبی روایات سے جڑے رہنے کا پیغام دیتی ہیں۔"
شعری نشست میں شامل ہونے والے شعرا نے اپنے منتخب اشعار پیش کیے، جنہیں سامعین نے خوب سراہا۔ جناب ممتاز نیر، جناب آفتاب اظہر صدیقی، جناب عمران علیمی شاہد، جناب شہباز مظلوم پردیسی، جناب عازم حسان اور دیگر شعرا نے اپنے کلام سے محفل کو رونق بخشی۔
نشست کے اختتام پر صدرِ مجلس مولانا سہیل اختر ندوی نے تمام شرکا اور شعرا کا شکریہ ادا کرتے ہوئے کہا کہ ایسی محافل ہماری تہذیبی وراثت کو زندہ رکھنے میں کلیدی کردار ادا کرتی ہیں۔
تقریب میں شرکت کرنے والے سامعین نے شعرا کے کلام اور مہمانان کے خیالات سے بھرپور استفادہ کیا۔ مجلسِ شعرو ادب کشن گنج کے اس کامیاب پروگرام نے شہر کے علمی و ادبی ماحول کو ایک نئی توانائی بخشی۔

-----------*-----------*----------*----------*---------*

آئینۂ نشست:-

صدارت : مولانا سہیل اختر ندوی

نظامت : جہانگیر نایاب

صاحب اعزاز: ڈاکٹر خالد مبشر

شعرائے کرام 

ڈاکٹر قسیم اختر( صدر شعبہ اردو، مارواری کالج، کشن گنج)

جناب حازم حسان ( بہادرگنج)

ڈاکٹر شاہ نواز بابل ( بہادرگنج)

جناب ممتاز نیر( ٹھاکر گنج)

جناب آفتاب اظہر صدیقی ( پوٹھیا)

محمد شاہنواز بے باک ندوی

جناب مبین اختر امنگ (ٹیڑھاگاچھ)

جناب عمران علیمی شاہد ( کشن گنج)

جناب نثار دیناجپوری (اتر دیناجپور)

جناب آرزو صابر ( کشن گنج)

جناب شہباز مظلوم پردیسی ( اسلام پور)

جناب محسن دیناجپوری (اتر دیناجپور)

جناب کمیل بلیاوی (کشن گنج)